Magsugod na'g limpyo

Sugdan na karong Agosto 15 ang pagpanglimpyo sa kabarangayan sa dakbayan sa Mandaue.

Gawas sa pagpangandam sa Asean Summit, ang pagpanglimpyo kabahin usab sa 2006 Inter-Barangay Clean and Green Evaluation Search for the City's Cleanest and Dirtiest Barangay.

Kini proyekto sa kagamhanan sa dakbayan sa Mandaue ug Department of Interior and Local Government.

Ang search molungtad kini hangtud sa buwan sa Disyembre atol na sa Asean Summit nga ipahigayun sa Cebu Convention Center sa dakbayan sa Mandaue.

Matag buwan, ang evaluation team mosusi sa matag barangay aron mogrado sa kalimpyo sa matag barangay.

Ang awarding ipahigayun sa Disyembre diin nagpaabot ang P100,000 nga grand prize sa cleanest barangay samtang Kalabasa Award ang nagpaabot sa dirtiest barangay.