Si Chief Inspector Lourdes Ingente ang hepe sa administrative branch sa pakighinabi sa Banat News nagkanayon nga kinahanglang moesplikar ang maong mga polis nganong wala sila makaapil sa tulo ka adlaw nga inspections niadtong Agosto 2 ngadto sa Agosto 4 ning tuiga.
Sumala pang Ingente nga pinaagi sa suwat ilang iesplikar ang rason ingon man ang mga dokumentos nga makapamatuod sa ilang pag-absent.
Ang Pre-AGI gihimo matag tuig aron makapangandam ang kapolisan alang sa tinuig nga AGI nga taga Kampo Crame ang mohimo aron pagtino kun unsa kaandam ang kapolisan sa tanang higayon.
"Inspection baya na, kinahanglang 100 percent gyud baya ang attendance," asoy pang Ingente.
Si Supt. Melvin Gayotin ang hepe sa CCPO mitug-an sa Banat News nga dunay silot nga ipahamtang sa mga polis kung wala kini balidong rason nga ikapakita, mahimo silang pasakaan og kasong administratiba.