30 ka balay sa Dumlog gibanlas sa bawod

Sobra sa 30 ka balay diha sa baybayon sa Sityo Litmon, Dumlog, Talisay nabanlas sa dagkong bawod kagahapon sa kaadlawon tungod sa habagat.

Apan walay gikatahong mga nangaangol sa maong insidente.

Si Talisay City livelihood project coordinator Ike Durano mibutyag nga ang maong mga balay nga nabanlas karon nabanlas na kini niadtong buwan sa Hulyo.

Ang kagamhanan sa Talisay mihatag og pinansiyal nga hinabang sa mga pamilya nga naapektuhan aron makatukod og usab og mga kapuy-an.

Si Durano nagkanayon nga ang mga biktima angayan nga mobiya sa lugar tungod kay sentro kaayo kining maigo sa dagko nga bawod nga nakahatag og peligro sa ilang mga kinabuhi.

Si Felipa Solana sa social development officer sa dakbayan ug city legal officer Aurora Econg misusi sa lugar aron maka-asses sa danyos.

Ang Tanke gikataho usab nga dunay mga pamilya nga naapektohan sa dagkong bawod apan matud ni Durano nga dili sama sa Dumlog ang gibiling danyos niini.

Si Econg mibutyag nga si Mayor Socrates Fernandez miluwat na og kamanduan para sa kabalhinan sa mga pamilyang naapektohan.

Ang mga biktima temporaryong gipahiluna sa covered court sa Poblacion ug ang dakbayan maoy mihatag sa ilang pagkaon.