Daghang turista midugok

Nagpabiling naila sa mga turista ang Mayon Volcano bisan paman sa nilibong kinabuhi nga gikalas niini sa mga milabay'ng mga tuig.

Ang maong bulkan nga anaa mahimutang sa siyudad sa Legaspi, Albay gikumparar nga sama sa iconic Mt. Fuji sa Japan nga dunay daghang lokal nga myth ug legends. Samtang kini usa sa 22 ka mga bulkan sa Pilipinas nga mingbuto sumala sa nahisulat sa rekord.

Usa sa mga naila nga mga istorya nga naghulagway sa Mayon mao ang "Romeo And Juliet". Kini kabahin sa usa ka maanyag nga prinsesa ug iyang uyoan nga si Magayon.Sumala pa sa mga tigulang nga ang matag buto sa maong bulkan mao ang kainit nga kalagot ni Magayon.

Gibana-bana nga ang Mayon mibuto na sa 47 ka higayon sukad niadtong 1616.

Gikanayon nga ang labing grabe'ng kadaut nahitabo niadtong February 1, 1814, sa dihang ang lava mingbanlas ug mitabon sa tibuok barangay sa Cagsawa ug mingpatay sa 1,200 ka mga lumulupyo. Lakip na niini ang bell tower sa simbahan apan kahibulungan nga nagpabilin kini'ng nagbarog hangtud karon .

Ang ulahing pagbuto sa 8, 070 foot (2,460 meter) nga bulkan nahitabo niadtong tuig 1993. Ang lava nga mibanaw maoy hinungdan sa kamatayon sa 68 ka mga lumolupyo ug nakaapektar sa 60,000 ka mga katawhan nga mobalhin.

Sigun sa natala, ang Pilipinas nahisakop sa Pacific Ocean plate hinungdan nga kini makasinati og earthquakes, volcanic eruptions ug potential tsunamis.

Ang nasud sakop sa Pacific "Ring of Fire", nga gilangkuban sa New Zealand, ang eastern edge sa Asya, ang Aleutian Islands sa Alaska ug ang west coast sa North ug South America.

Matud pa ni Renato Solidum, pangulo sa Philippine Institute of Volcanology and Seismology , nga ang Philippine archipelago, dili lakip ang western island sa Palawan, gibana-bana'ng naigo sa 20 ka linog sud sa usa ka adlaw apan kadaghanan niini dili mabantayan sa mga katawhan.