Duha girapido sa nagmaskara

Namatay gayod ang usa ka lalaki ug grabe usab nga naangol ang silingan niini kinsa mitambong sa kasaulogan sa birthday sa anak niini kinsa gipamusil sa nag-bonnet nga tulo ka tawo sa miaging Sabado sa gabii sa barangay Owak, lungsod sa Asturias.

Ang namatay mao si Cristopher Sarsoso alas Tupe, 34 anyos, minyo, nagpuyo sa sitio Tapon sa barangay Poblacion sa nahisgotang lungsod. Ang naangol mao si Roberto Delgado alyas Bobbit, 29.

Si PO1 Joel Mata sa kapolisan sa nahisgotang lungsod nga gikahinabi sa Banat News miingon nga nag-inom ang mga biktima sa sulod dihang girakrakan sa tulo.

Matud pa ni PO1 Mata nga nabulit sa pinusilan ang kalawasan ni Sarsoso nga maoy nakaingon sa kamatayon niini. Samtang si Delgado ang nakabaton usab og samad pinusilan sa liog ug abaga.

Dugang pa ni PO1 Mata nga si Inspector Nilo Cernio, hepe sa kapolisan sa maong lungsod nga maoy nangulo sa pagtubag sa maong alarma ang nakarekober sa crime scene og mga basiyo sa kalibre 45, 15 ka basiyo sa bala sa carbine ug 357.

Dugang pa ni PO1 Mata sa bulsa sa namatay maoy napalgan ang usa ka granada nga wala pa makaboto ug ang itom nga t-shirt nga may PNP logo.

Nasuta sa Banat News sa VSMMC nga mibiya sila si Roberto Delgado aIyas Bobit ug kauban niining giilang si Ruel Awit niadtong Domingo sa hapon. Apan sa rekord sa guwardiya sa maong tambalanan si Awit ra maoy nasamdan.