Kini human gipanamastamasan sa magsisibya sa DyHP nga si Joash Dignos ang ilang pamilya diin gilambigit ang iyang bana nga si Mayor Thadeo Ouano ngadto sa ilang umagad nga si Cheryl Ouano.
Atol sa interview sa DYRF kagahapon, si Linda kinasingkasing nga nanawagan sa kababayen-an ug sa tanang tigpaminawan alang sa maong kampanya.
"Let us not allow verbal abuse to destroy us, let us fight against verbal abuse," nagkanayun si Linda Ouano.
Atol sa pagpakighinabi sa Banat News kaniya, si Linda mipadayag nga bisan og anaa pa sa politika ang usa ka babaye, dili nalang kay bastabasta nga panamastamasan.
Gitugyan ni Linda Ouano ngadto sa mga pondok sa kababayen-an ang lakang nga ilang himoon batok sa maong mga pagpangabuso sama sa gihimo ni Dignos.
Masaligon si Linda nga iyang maangkon ang suporta sa kababayen-an sa maong kampanya.
Gani, human sa gihimo ni Dignos, daghang kahigalaan ug kababayen-an ang nipadayag sa ilang pagpaluyo kang Linda ingon man sa iyang umagad nga si Cheryl.
Gipakita usab nilang Linda ug Cheryl nga wala apektahi ang ilang relasyon sa usag-usa.
Si Cheryl ang nisang-at na og tulo ka ihap nga kasong libelo batok kang Dignos gumikan sa pagbutang-butang niini nga nanapaw sa iyang ugangan nga mayor.
Gisakitan ang banay'ng Ouano sa pasangil ni Dignos sa kahanginan nga ang mayor ug ang umagad may kalambigitan sa usa'g usa pinaagi sa paggamit sa pulong "jer-jer.