61-anyos nagbuy-od sa grahe

Napalgang patay nga nagbuy-od sa yuta sa gawas sa garahian sa Holiday taxi kagahapon sa buntag ang 61-anyos nga trabahante nga gituhoang giatake sa sakit sa kasingkasing.

Ang biktima mao si Ramon Balansag, lumad nga taga Sorsogon, lungsod sa Malabuyoc, dakbayan sa Sugbo ug kawani sa Holiday taxi nga nahimutang sa Reclamation Area sa Subangdaku, Mandaue.

Si Jaime Balansag, 21 anyos, ulitawo ug pag-umangkon sa biktima maoy unang nakamatikod niini.

Sa mga pakisusi nga gihimo sa Banat News kang SPO1 Emmanuel Enolpe maoy nasayran nga alas 2 sa kaadlawon nga migawas gikan sa gikatulgan niining garahean ang biktima.

Matud pa sa pag-umangkon nga nahingangha na lamang siya nga nianang iyang pagmata sayo sa buntag maoy iyang nakit-an ang iyang uyoan nga nagbuy-od na sa yuta.

Dali kini nilang gidala sa tambalanan sa Mandaue City Hospital apan gideklarar sa mga doktor nga patay na.

Si Enolpe miingon nga ang patay'ng lawas sa biktima gipadala sa Rolling Hills sa Banilad sa dakbayan sa Mandaue alang sa pagpa-ubos sa autopsy.