Ang asawa sa suspetsado nga si Gloria maoy mitug-an sa mga polis nga protektor sa ilang ilegal nga kalihukan ug pagahatagan nila kini og allowance nga pang-gasolina og pang- load sa cellphone ug ang uban niini sponsor pa sa kasal sa ilang anak sa milabay'ng tuig.
Daling giangkon ni Osmeña nga si Regis mao kini usa sa big time drug pusher nga lisud nga dakpon gumikan sa koneksyon niini sa kapolisan.
Gitug-an sa mayor nga wala siya malipay ning pagkabulgar sa pangalan sa unom ka mga polis nga giingong protektor sa suspetsadong drug pusher apan gisayangan ang mayor gumikan kay limitado lang ang iyang gahum pagdisiplina sa maong mga polis.
Giangkon ni Osmeña nga gusto unta niya nga mapahamtangan gyud og bug-at nga silot ang maong mga polis ilabi na kun mapamatud-an gyud kining sad-an apan ang iyang bugtong mahimo mao lang ang pagkanselar sa tag P1,200 nga incentive allowance nga gihatag sa siyudad matag bulan sa mga polis nga nadisteno dinhi sa dakbayan.