Kalabasa award ni gob gikan Bayan

Mga militanteng pundok mihatag og kalabasa award ni Gobernador Gwendolyn Garcia kagahapon sa buntag tungod sa pagluwat niini og all out war batok sa insurhensiya.

Si Arman Perez, secretary general sa Bayan Muna, nagkanayon nga aron mahimong lapad ang panglantaw ni Garcia sa iyang mga konstituwente hinungdan nga gihatagan kini sa militanteng grupo og kalabasa award.

Matud ni Perez nga ang mga konstituwente sa probinsiya nanginahanglan og mga medisina, school buildings ug patubig.

Ang salapi nga gigahin sa probinsiya aron ipamalit og mga armas ug bala igahin na lang og pamalit og mga medisina, pagpatukod og mga school buildings ug patubig.

Si Garcia maoy unang babayeng gobernador sa nasud nga miluwat og all out war.

Gibutyag ni Perez nga gitumong ni Garcia sa iyang all out war ang mga kaatbang niya sa politika tungod sa pamahayag niini niadtong Hunyo 3 gitataw sa gobernador nga wala nay rebelde sa probinsiya ug mga militanteng grupo.

Ang grupo sa Bayan Muna, Anakbayan, Bagong Alyansang Makabayan, Kilusang Magbubukid sa Pilipinas ug Panaghugpong Urban Poor mipahigayon og rally kagahapon sa buntag atubangan sa Kapitolyo.