Bag may 'bomba'

Naukay ang mga residente ug sidewalk vendor kagahapong adlawa human dihay nakit-an nga bag kolor brown nga gibilin sa wala mailhing tawo nga gituohan nga dunay sulod nga bomba.

Kini nahitabo pasado alas 10 sa buntag sa may dalan Borromeo duol sa estasyonan sa radyo ug M. Lhuillier.

Mitumaw ang grabeng pagduda ug kahadlok sa mga residente sa maong lugar hinungdan nga mitawag dayon ang mga sakop sa Special Weapons and Tactics sa Cebu City Police Office.

Daling mitubag ang Swat nga gipangulohan ni Chief Inpector Arnel Banson ug kaubanan.

Sa dihang gihiling na ang maong bag nasuta sa taga Swat nga ang sulod sa bag mga underwear, t-shirt ug uban pang kagamitan sa tawo.