Tulo 'dakpan sa CIIB

Tulo ka mga lalaking kawani sa usa ka gihimong desalination plant sa South Reclamation Project ang gikatahong naaktuhang mikawat sa usa ka submersive wires sa maong planta niadtong Miyerkules sa hapon.

Ang nangadakpan giilang sila si Carlo Belen, taga Balod, San Fernando, Jefrey Largo, ug Ronald Medalle nga pulos taga Estaca, lungsod sa Compostela.

Ang tulo nadakpan sa mga sakop sa Barangay Intelligence Network nga sila si Marlon Semblante, Reynaldo Corilla ug Givenchy James Flores nga maoy gipabantay sa mga kawaning mamauli na og gabii diha sa maong dapit.

Matud pa sa imbestigasyon nga gisuway og putol sa tulo ang gibana-banang upat ka kilong wire nga nagbalor og P1,600.

Sa pagsukit-sukit mipasangil ang tulo nga natintal sila og pangawat sa maong kable gumikan kay gipugngan ang ilang usa ka bulang sweldo ug gikinahanglan kaayo nila ang kwarta.