Rebel leader sikop

Laing kalampusan na usab ang naangkon sa mga sundawo sa 19th Infantry Batallion sa ilang kampanya batok sa rebeldeng New People's Army kon NPA.

Kini dihang ilang nadakpan ang labing taas nga opisyal sa mga rebelde didto sa Northern Leyte nga si Liezel Laurente Rentillosa, alyas "Wenz" ang team leader sa National Liberation Front (NLF) nga nagbase sa Leyte lakip na ang duha niini ka security nga sila si Nathaniel Agustin Del Pilar ug Darel Dolinog Agapito.

Ang mga nadakpan nasundan sa mga sundawo didto sa safehouse sa Barangay Sto. Niño.

Nasakmit sa maong operasyon ang tulo ka armalite rifles, usa ka Colt .38 caliber ug mga buhing bala ingon man mga subersibong dukomento ug mga libro.