Mao kini ang bug-at nga pasidaan ni Bise mayor Aberdovey Belleza kinsa mao usab ang tsirman sa Talisay City Traffic Commission.
Sa iyang pakigtagbo sa mga drayber sa habal-habal, gipasabot ni Belleza nga kadtong dili magsul-ob og ID, kadudahang tulisan busa angayang dakpon.
Matud pa niya nga ang modus sa mga tulisan, dili mag-ID aron dili ilhan.
Ang pagsul-ob og helmet ug sapatos gitumong aron dili mabuak ang bagolbagol sa drayber sa panahon nga madisgrasya, ug desente usab ang drayber nga magsapatos matud pa ni Belleza.
Ang Talisay may kapin sa 400 ka drayber sa habal-habal nga nagbiyahean sa nagkalainlaing kabarangayan sa kabukiran.
Samtang ang mga barangay sa kapatagan gisilbihan usab sa mga traysikol.
Matud pa ni Belleza nga angayang magpasalamat ang mga drayber sa habalhabal kay bisan kon ilegal ang ilang pamasahero, gitugotan lang gihapon sila nga makapanginabuhi.
Apan kon sa maong konsiderasyon, dili gihapon sila motuman sa mga reglamentong gipatuman sa kagamhanan, sila nay angayang basulon kon madakpan sila gumikan sa ilang kagahi og ulo.