P50 mil bugti sa impormasyon

Usa sa mga tag-iya sa Nikko Money Changer diha sa dalan Mango Avenue niadtong milabay'ng Biyernes mihatag og P50,000 nga reward ngadto sa bisan kinsang tawo nga makahatag og impormasyon aron madakpan ang mga responsable.

Ang retiradong heneral sa kapolisan nga si Retired General Julius Yarcia nga bag-uhay lang miretiro ug nalambigit na karon sa pagnegosyo sa pakighinabi sa mga sakop sa media kagahapon diha sa buhatan ni Supt. Alexander Abadinas nagkanayon nga ang maong kwarta dili para sa mga polis nga makadakop kundili para sa tawong makatudlo sa mga suspek. "Better help the police to stop the robbers in your area or the robbers will stop your business," pahimangno pa ni Yarcia.

Matud pang Yarcia nga aron mapugngan ug di mosanay ang mga grupo sa mga tulisan sa usa ka lugar kinahanglang dunay kooperasyon ang kapolisan ug ang business sector.

" I suggest that before putting your guards, study first your weakest point," asoy pang Yarcia kinsa kanhi opisyal nga nadestino sa lugar labing daghan og kasong pagpanulis sa Luzon niadtong dekada 70.

Hinuon miklaro si Yarcia nga kuntento siya sa dagan sa imbestigasyon sa kapolisan dinhi sa dakbayan sa Sugbu kabahin sa maong kaso, matud pa niya bisan alkanse na sila og P1.2 milyones niadtong tungura iya lang usab og sugalan sa maong reward nga giamutan sa ubang mga negosyante.