Ang biktima mao si Kevin Roflo, nagpuyo sa maong dapit ug tinun-an sa elementarya sa maong lugar.
Ang nagmaneho sa PUJ nga nagbiyahean og Danao - Cebu City mao si Juvenal Castro, 30, lumad sa Cagat, Danao.
Base sa imbestigasyon ni PO2 Raul Flores samtang nagbiyahe si Castro padulong sa dakbayan sa Danao luwan ang mga pasahero niini mga alas 8:20 sa milabay'ng gabii pag-abot sa Estaca, Compostela duha ka bata ang mikalit og tabok apan nakalahos kini. Wala makita ni Castro nga si Roflo misunod og tabok, hinungdan nga iya kining nadasmagan.
Matud pa ni PO2 Flores nga kasong reckless imprudence resulting to homicide ang ipasaka batok ni Castro kinsa mitahan human sa bitabo.