Ang mga sakop sa Squatters Prevention Encroachment and Elimination Division (SPEED) pinangulohan ni Vicente Mercado maoy mipatuman sa pag-demolish sa 16 ka mga panimalay diha kilid sa sapa.
Apan matud ni Mercado dihang nahinabi sa Banat News nga unom lang ka panimalay ang ilang na-demolish tungod kay pagka ala una sa hapon dihang gipadayon nila ang pagtiwas og demolish sa mga nahabiling panimalay miabot man ang mga kawani sa buhatan ni Konsehal Gerry Carillo ug maoy mimando nga ipahunong ang demolisyon tungod kay duna pay meeting nga himuon tali sa mga apektadong pamilya.
Samtang giinsister ni Gerry Marquez, consultant sa urban poor sa Cebu City Hall nga bisan og dunay court order ug walay mahimong ma-demolish ang mga estraktura nga anaa magpuyo daplin sa sapa subay sa Akta Republika 7279.
Dunay kapin sa usa ka libo ka mga pamilya ang anaa magpuyo daplin sa mga kasapaan dinhi sa dakbayan ang dugay nang gitinguha nga papahawaon tungod kay peligro sa baha panahon sa ting-ulan.
Kini naglakip sa mga molupyo kilid sa sapa sa Mahiga creek, Guadalupe river, Lahug ug Kinalumsan.