Kagahapon pormal nga gitapos ang tulo ka adlaw nga seminar-training sa 70 ka mga BIN diha sa Cebu City Police Office nga gisugdan niadtong Martes.
Si Labra mitug-an sa Banat News nga dako og ikatabang sa preparasyon sa seguridad sa Sugbo ang mga BIN.
Atol sa tulo ka adlaw nga training sa BIN gitudloan sila kung unsaon pagmatikod ug pagtino sa usa ka butang kun bomba ba kini diha sa mga pampublikong dapit.
Dugang pa niini ang intelligence gathering and operations, basic investigation and special laws, arresting techniques ug ethical standards kun maayong pamatasan aron di mangabuso sa ilang trabaho.
Ang hepe sa Mobile Patrol Group nga si Chief Inspector Arnel Banzon kinsa mao usab ang suhito sa mga bomba isip hepe sa Special Weapons And Tactics maoy mitudlo sa maong leksyon.
Samtang sa imbestigasyon, special laws, arresting techniques ug ethical standards sila si Labra ug SPO1 Filomeno Mendaros ang chief investigator sa CIIB maoy mitudlo sa mga BIN.