Rapist gisuklan, dakpan

Naunay sa kaugalingong kutsilyo ang usa ka lalaki dihang ang babaye nga buot untang lugoson misukol ug nailog ang kutsilyo niini sa miaging gabii sa lapokon ug ngitngit nga bahin sa sitio Pokang sa barangay Looc, siyudad sa Mandaue.

Diriyot maabis ang walang dunggan ug dunay samad dinunggaban sa walang aping si Nestor Lacao, 39 anyos, minyo nga taga Pulang Bukid sa barangay Alang-Alang sa maong dakbayan.

Ang biktima nga si Rechiel Callao, dalaga nga nagpuyo sa maong kinsa naglakaw pauli gikan sa tunghaan dihang gibabagan sa suspetsado ug gitionan sa kutsilyo.

Dihang migakos ang suspetsado naligid sila sa lapok ug diha gilubag sa biktima ang kamot sa suspek nga naggunit sa kutsilyo ug dihang nailog maoy gihansak ngadto sa suspek. Ang suspetsado nga gisakitan ang mikaratil og dagan pahilayo sa maong dapit ug ang biktima midangop usab sa kapolisan sa Presinto 5 sa maong dakbayan.

Gidala nila ni P02 Renato Alondres ug mga kauban ang biktima sa Mandaue City Hospital alang sa pagpaeksamin sa kahimtang sa panglawas.

Nasigpatan sa biktima ang suspetsado nga nagkalapok pa ang kalawasan sa sulod sa emergency room nga nagpatambal usab hinungdan gidakop kini sa kuyog nga mga polis ni Callao.