MOA signing sa Power Producers

Gikatakda na sa sunod semana ang paglagda sa Memorandum of Agreement (MOA) tali sa kagamhanan sa probinsiya sa Sugbo ug sa National Transmission Commission (Transco), National Power Corporation (Napocor), Korean Philippines Corporation (Kepco) ug Singaporean Power Corporation (Salcon) para sa ipabarog nga 200 mega watts power plant diha sa lungsod sa Naga.

Gitataw ni Gobernador Gwendolyn Garcia sa milabay'ng adlaw nga karong Hulyo siyete o diyes ang petsa sa paglagda sa MOA ug ang ground breaking ug ang construction niini ipahigayon sa Oktobre niining tuiga ug gilauman nga makumpleto sa 2010.

Si Dr. Alan Ortiz, presidente sa Transco nagkanayong nga niadtong Martes sa alas singko sa hapon nauyonan ang final draft sa MOA.

Ang Kepco ug Salcon wala pa maka-secure og signing authorities gikan sa ilang tagsa-tagsa ka mga kompaniya.

Kahinumduman nga si Garcia miawhag sa mga independent power producer nga mo-invest dinhi sa Sugbo para dili na makuwang ang suplay sa kuryente sa tibook probinsiya ug dakbayan.