Hitman sa Akhro patay na?
June 27, 2006 | 12:00am
Notadong fratman nga numero unong gipangita sa kapolisan dinhi sa dakbayan sa Sugbu ang gikaingong napatay atol sa usa ka engkwentro sa mga fraternity sa dakbayan sa Tacloban niadtong Biyernes sumala pa sa nadawat nga impormasyon sa kapolisan sa Sugbu.
Si Supt. Pablo Labra sa pakighinabi sa Banat News mibutyag nga duna silay nadawat nga dili kumpirmadong impormasyong napusilan ug napatay si Arestotle Aves alyas Ares nga taga Duljo-Fatima ning dakbayan.
Si Aves maoy numero unong fratman nga gipangita sa kapolisan diin ang dakbayan sa Sugbu mibutang og P200,000 nga ganti sa bisan kinsang makatudlo ug makadakop kaniya.
Giingong dunay contacts didto sa Tacloban ang kapolisan sa Sugbu nga mipahibalo sa nahitabo kang Aves apan padayon pa nila kining gikumpirmar sa pagkakaron.
Base sa nakuhang impormasyon ni Labra 'negative' kay walay natalang susamang insidente sa maong dakbayan.
"Negative daw, but I told them that Aves might have used another name to cover his identity," sumala pa ni Labra.
Apan si Chief Inspector George Ylanan sa pakighinabi sa mga tigbalita kagahapon mibutyag nga human madawat sa Police Regional Office 8 ang pahibalo gikan sa Sugbu kabahin sa personalidad ni Aves gisubay na karon ang tanang mga shooting incidents nga natala diha sa maong dakbayan lakip na ang mga sikbit nga mga lugar.
Nagtuo si Ylanan nga posibleng tinuod nga dunay nahitabong karambola sa mga fratmen diha sa maong dakbayan ug wala ra mapa-blotter sa hingtungdang dapit o ba kaha na-blotter gyud pero laing pangalan ang gigamit ni Aves.
Si Aves nalambigit sa dili momenus unom ka mga kasong pagpatay dinhi sa dakbayan diin nagpaabot na ang warrant of arrest niini samtang duna pay laing kasong gihikay karon sa korte nga usa siya sa mga gitumbok nga suspek.
Makadaghan ng higayon nga gipangita si Aves sa kapolisan sa Sugbu apan wala kini madakpi, dunay mga migawas nga impormasyon sa kapolisan nga dunay dakong tawo dinhi sa Sugbu nga naghupot kaniya ug maoy mitabang sa iyang pagtago.
Si Supt. Pablo Labra sa pakighinabi sa Banat News mibutyag nga duna silay nadawat nga dili kumpirmadong impormasyong napusilan ug napatay si Arestotle Aves alyas Ares nga taga Duljo-Fatima ning dakbayan.
Si Aves maoy numero unong fratman nga gipangita sa kapolisan diin ang dakbayan sa Sugbu mibutang og P200,000 nga ganti sa bisan kinsang makatudlo ug makadakop kaniya.
Giingong dunay contacts didto sa Tacloban ang kapolisan sa Sugbu nga mipahibalo sa nahitabo kang Aves apan padayon pa nila kining gikumpirmar sa pagkakaron.
Base sa nakuhang impormasyon ni Labra 'negative' kay walay natalang susamang insidente sa maong dakbayan.
"Negative daw, but I told them that Aves might have used another name to cover his identity," sumala pa ni Labra.
Apan si Chief Inspector George Ylanan sa pakighinabi sa mga tigbalita kagahapon mibutyag nga human madawat sa Police Regional Office 8 ang pahibalo gikan sa Sugbu kabahin sa personalidad ni Aves gisubay na karon ang tanang mga shooting incidents nga natala diha sa maong dakbayan lakip na ang mga sikbit nga mga lugar.
Nagtuo si Ylanan nga posibleng tinuod nga dunay nahitabong karambola sa mga fratmen diha sa maong dakbayan ug wala ra mapa-blotter sa hingtungdang dapit o ba kaha na-blotter gyud pero laing pangalan ang gigamit ni Aves.
Si Aves nalambigit sa dili momenus unom ka mga kasong pagpatay dinhi sa dakbayan diin nagpaabot na ang warrant of arrest niini samtang duna pay laing kasong gihikay karon sa korte nga usa siya sa mga gitumbok nga suspek.
Makadaghan ng higayon nga gipangita si Aves sa kapolisan sa Sugbu apan wala kini madakpi, dunay mga migawas nga impormasyon sa kapolisan nga dunay dakong tawo dinhi sa Sugbu nga naghupot kaniya ug maoy mitabang sa iyang pagtago.
BrandSpace Articles
<
>
- Latest
- Trending
Trending
Latest
Trending
Latest
Recommended