Balay ni 'Ediegul' gikawatan

Balay ni Kongresista Eduardo Gullas diha sa Candulawan, Minglanilla wala pasayloa sa mga kawatan tungod kay gikawat ang electrical wire sa water pump niini.

Giputol sa wala mailhing kawatan ang THW-EWG stranded 3 pcs. electrical wire nga adunay 90 metros ang length ug mikabat sa 270 metros ang gitas-on.

Si Senior Police Officer 1 Rolando Jinco polis sa Minglanilla mibutyag kagahapon sa Banat News nga si Ramil Saragosa security inspector sa balay ni Gullas maoy mitaho sa maong insidente diha sa ilang buhatan niadtong Lunes sa buntag.

Si Saragosa nagtuo nga ang electrical wire giputol sa kawatan niadto pang Sabado ug nabantayan lang kini dihang wala na mohakot og tubig ang water pump para isuplay sa balay tungod kay putol na ang connection niini.

Si Jinco nagkanayon nga wala mapiho ang kantidad sa maong wire ug gi-follow-up nila ang maong hitabo para mailhan ang kawatan.