Amahan nagpusil sa ulo

Usa ka amahan nga wala paduola sa iyang anak naghikog pinaagi sa pagpusil sa iyang tuong tampihak gamit ang kalibre .357 nga rebolber niadtong miaging hapon sulod sa lawak sa ilang balay sa Saksak, Bahay, Sibonga.

Si Rene Redoble, 28, mibalik sa ilang pinuy-anan sa Sibonga gikan sa Barili dala ang kaguol nga wala mosugot ang iyang asawa nga dad-on ang ilang anak pagpauli niini.

Sumala pa ni PO3 Ramon Banagon sa Sibonga nga sa dihang nahiuli si Redoble sa ilang balay sa Sibonga, misulod kini sa iyang lawak.

Pipila ka gutlo ang nakalabay, ang inahan ni Redoble nakabati na lang og sipa kaayong buto sa gituohang armas, sumala pa ni PO3 Banagon.

Pagsulod nila, nakita nila si Redoble nga naligo na sa kaugalingon niining dugo nga nagbuy-od na sa sawog.

Gidali pagdala sa duol nga tambalanan si Redoble, apan gideklarar kini sa mga doktor nga patay na nga nahidangat kanila.

Sa crime scene, nakaplagan ang .357 nga rebolber, kabhang sa bala ug ang nagkadugo nga t-shirt.