'Nanuyop' nadakpan

Tulo ka mga lalaki ang nadakpan, usa niini nakaikyas, sa dihang naaktuhan nga nagsuyop og ginadiling drugas niadtong Sabado sa hapon sa Abalo, Barangay Cansojong Talisay City

Sigun sa report nga nadangat sa Provincial Police Office nasayran nga nakadawat og tawag ang kapulisan sa Intelligence Operatives sa Talisay gikan sa usa ka concerned citizen nga ang payag pahuwayanan sa maong dapit, gihimo na kini sa drug adik nga gihimong suyopanan.

Dihadiha niumol gilayon og grupo si SPO3 Ricardo Echavez, nga miresulta sa pagkasikop sa tulo nga sila si Ellain Tuburan, Edgardo Echavez, mga hingkod lumulopyo sa maong lugar, ug Junrey Noya 18, ulitawo nga taga Barangay Tangke, samtang usa ka errand boy ang nakaikyas atol sa pagronda, kay matod pa nakakita kini sa kapulisan nga nagpaingon og daling miikyas.