Habal-habal driver gipusil, giilogan sa motor

Usa ka habal-habal driver nga nangihi gipusil ug giilogan sa iyang motorsiklo sa miaging gabii sa barangay Tulo-Tulo sa lungsod sa Consolacion.

Ang biktima mao si Roz Rodel Bug-ot, 17 anyos, ulitawo nga taga barangay Pulpogan sa nahisgotang lungsod, wala mailhi sa biktima ang iyang pasaherong suspek.

Si SP01 Romulo Sasing sa kapolisan sa maong lungsod nga gikahinabi sa Banat News miingon nga ang biktima gikan pa sa Poblacion Occidental diin misakay ang suspek ug magpahatod kini sa Santa Lucia Subdivision.

Sa paghidangat sa maong lugar ang biktima mipahunong kay buot mangihi apan kalit lang gipusil sa iyang bukobuko sa suspek.

Dihang nahagba ang biktima nagdali sa pagsakay sa motorsiklo gibiyaan lang biktima.