Ang tuyo ug tumong niini aron malikayan ang grabeng kahuot sa trapiko aron dili unya mahasol ang publiko ilabi na ang mga tinun-an sa kolehiyo gumikan sa pormal nga pagbukas og balik sa klase sa mga pribadong tunghaan.
Ang gipatumang rerouting magsilbi unya kining tubag sa suliran sa trapiko diha sa may dalan F. Llamas , Punta Princesa nga usa sa mga dapit dinhi sa siyudad nga nag-una sa suliran sa trapiko ilabi na atol sa peak hours.
Subay sa giaprobahang resolusyon atol sa milabay'ng tigum sa Citom Board gimanduan ang tanang mga multicab nga pasaheroan gikan sa mga kalungsoran sa Tabunok, Minglanilla, Naga ug San Fernando nga moderetso sa Macopa St. lahos sa Sabellano St., left turn sa Bayanihan Village road una pa mo right turn sa Cebu South road balik sa ilang naandang rota.
Sugod sa petsa 15 ang tanang mga multicab nga pasaheroan gikan sa south nga padayong mosulod ug mamasahero sa F. Llamas dakpon na sa mga Citom enforcers nga ipakatap sa nahisgutang lugar.