Polis ''goons'' paphaon – Loot

Gisaad ni Provincial Police director, Senior Supt. Vicente Loot nga di duphan ug silutan pang mataktak sa serbisyo ang gitumbok nga mga polis nga giingong back-up sa usa ka bigtime pusher diha sa Calamba niadtong milabay'ng Sabado.

Si Loot mitug-an sa mga tigbalita nga makig-alayon siya sa Criminal Investigation and Intelligence Branch kung duna nay testigong makatumbok sa maong mga polis.

"Drug coddlers and protectors have no place at CPPO," bahad pang Loot.

Kahinumduman nga niadtong Sabado sa hapon nakaengkwentro sa kapolisan sa Pardo ang grupo sa drug suspek nga si Vivencio Baldesamo alyas Junjun diha sa Calamba nga miresulta sa iyang pagkaaresto ug pagkasikop sa iyang pusher nga si Anabelle Abellana(estorya naa sa pahina 3).