Bukog nakalotan didto's San Fernando; gisusi na

Nasiguro sa kapolisan nga dili taga San Fernando ang nakawtang bukog niadtong Sabado sa menteryo sa barangay Sangat.

Matud pa ni SPO1 Francisco Salobre, desk officer sa San Fernando Police Station nga natino usab nila nga dili iya kang Jackielyn Chiong ang maong bukog basi sa pamahayag sa igsuon niining kauban sa mga NBI nga miimbistiga sa maong kalabira.

Gibutyag ni Salobre nga hangtod sa pagsuwat ning maong balita gipaabot nila nga may claimant nga taga San Fernando nga mangayog dugang kasayoran kanila bahin sa nakawtang bukog.

Apan wala gyud bisan usa, busa nasabtan nila nga walay pamilyang taga San Fernando nga nawad-an og sakop, mga 10 na ka tuig ang nakalabay.

Samtang sa mga pagduda nga iya kadto kang Jackielyn Chiong ang igsuon ni Jocelyn Chiong kinsa gipanglugos ug gipamatay pipila na ka tuig ang nakalabay, miingon si Salobre nga way basihanan ang tanan.

Matud pa niya nga ang igsoon mismong lalake sa managsoong Chiong kinsa anaa na karon sa NBI, miadto gyud sa San Fernando niadtong Sabado pagsusi sa maong mga bukog, apan mitino kini nga dili kadto iya ni Jackielyn.

Ang maong mga bukog giputos sa usa ka sayal sa uniporme sa University of Cebu ug nakawtan didto sa kilid sa menteryo sa Sangat nga way lungon.

Naalarma ang kapolisan ug ang mga molupyo niadtong higayona apan human dad-a sa NBI ang mga bukog ngadto sa ilang buhatan, namingaw