Ang namatay giila sa kapulisan mao si Nicasio Calbo hingkod ang panuigon minyo, nga taga Barangay Mantalungon Dalaguete, uban sa iyang anak lalaki nga si Gemar.
Nagtuo ang kapulisan nga posibleng giukoy si Calbo samtang naligo sa dagat, O ba kaha giatake og sakit ang biktima og wala mabantayi sa ubang mga tawo nga naligo.
Si PO1 Euwen Pitogo sa Dalaguete Police Station nga nahinabi sa Banat News miingon nga ang anak nga si Gemar gisugo sa iyang amahan mga alas 10 pasado sa buntag nga papaulion sa ilang balay sa Mantalungon aron sa pagkuha og pagkaon.
Tungod sa kalayo sa ilang pinuy-anan hapit na alas 3 nabalik, apan sa pagbalik na sa iyang anak naabtan niya amahan nga naglutaw na sa dagat, patay na kini.