Awto sa opisyal sa polis gilungkab

Awto sa opisyal sa kapolisan wala palabya sa mga car-artist dihang nasigpatang dunay makawat diha sulod sa sakyanan niining gi-parking diha sa dalan M.J.Cuenco sa barangay Tinago ning dakbayan niadtong milabayng gabii.

Midangop sa Theft and Robbery Section si Inspector Christian Garcia, 33, human ang iyang awto nga Mitsubishi Super Saloon nga iyang gi-parked diha sa nahisgutang dalan nadiskubrehang gilungkab.

Wala na diha ang pioneer CD car stereo nga nagkantidad og P5,000 ug usa ka magazine sa kalibre 9 mm nga pistola.

Gisusi na sa TRS ang hitabo aron pagtino kung si kinsa ang milungkab sa sakyanan sa polis.