Nakig-date og GRO giluba

Traysikol drayber nga nakig-date sa usa ka Guest Relation Officer gidunggab nga maoy hinungdan sa grabe niining pagkaangol.

Ang pagpanunggab nahitabo alas 3 pasado ang takna sa miaging kaadlawon sa beach resort sa Suba-Basbas, Lapu-Lapu.

Ang biktima mao si Cerilo Rosario, 24, ulitawo nga nagpuyo sa maong dapit.

Si PO3 Manolito Abellanosa sa Homicide Section miingon nga ibalik na unta og hatod sa biktima ang gika-date niining GRO sa gipuy-an niining panimalay.

Namalik na unta sila sa pagsakay sa traysikol apan kalit lamang nahidangat sa maong dapit ang laing traysikol ug nanaug ang usa ka lalaki nga pasahero niini.

Gialihan ang agianan sa traysikol nga gidala sa biktima nga maoy hinungdan nga mihunong kini ug giduol sa wala mailhing lalaki ang biktima ug gihansakan ang kilid niini sa kutsilyo ug dayong sibat.

Si PO3 Abellanosa miingon nga ilang gituohan nga hinigugma sa GRO nga gika-date sa biktima ang nagdunggab sa biktima ug nangabubho kini sa pagpakig-date nga gihimo.