AIDS infection midaghan karon

Kaso sa sakit nga mugna sa Human Immuno Virus (HIV) misaka gumikan sa padayong wala pagsunod sa ubang mga tawo sa pahimangno gikan sa mga awtoridad, lakip sa nakitang rason mao ang di luwas nga pakighilawas.

Kini ang gipadayag sa mga tinugyanan sa HIV/AIDS program sa Department of Health sa Central Visayas nga si Dr. Jonathan Niel Brasmo, HIV/AIDS Regional Coordinator sa DOH-7 .



Sa pagkakaron sumala pa ni Brasmo midaghan ang kaso sa HIV/AIDS sa nasud kun itandi sa niaging tuig. Dunay bag-ong natala nga 25 ka bag-ong kaso.

Duna nay 2,454 ka kasong natala ang DOH sa pagkakaron diin 840 niini mga Overseas Filipino Workers (OFW), 249 mga seaman, 142 mga domestic helper, 72 mga mamumuo, 64 nagtrabaho sa mga tambalanan ug health workers sama sa nurse, caregivers, health instructors, med-tech, midwives ug pharmacist.

Samtang si Dr. Consuelo Malaga sa Vicente Sotto Memorial Medical Center nga sa mga kaso dinhi sa Sugbu sagad sa mga nataptan sa maong sakit mga lalaki kumparar sa mga babaye .

Si Dr. Ella Tac-an sa Cebu City Health Department mibutyag nga dunay 68 ka kaso sa AIDS dinhi nga ilang natala ug 19 niini mga babaye.

Karong Domingo usa ka programa ug kalihukan ang himuon sa DOH alang sa paghandum sa International AIDS Candlelight Memorial Day sa tuyo nga mapasabot ang mga residente sa dakbayan sa Sugbo, Mandaue, Lapu-Lapu ug uban pang dapit kung unsa ka delikado ang sakit nga AIDS kon unsaon paglikay niini.