Berdin pormal nang gihulipan ni Senirpeda

Si Konsehal Alley Berdin sa dakbayan sa Lapu-Lapu nga namatay sa gihambin niining balatian sa miaging bulan hingpit nga gihulipan sa usa ka abogado ug kanhi usab konsehal nga si Atty Francisco Senirpeda.

Ang pag-asumer ni Senirpeda sa katungdanan natigayon human usab sa iyang pormal nga pagpanumpa sa katungdanan atubangan ni Gobernador Gwendolyn Garcia niadtong miaging adlaw.

Ang gobernador nga sakop sa partidong Lakas Christian and Muslim Democrats nakahukom sa pagtudlo kang Senirpeda nga moasumer nga sakop sa konseho sa dakbayan human usab sa pagtuboy kaniya sa maong partido sa ika-unom nga distrito.

Kini naglakip kang Mayor Thadeo Ouano nga maoy chairman sa Lakas CMD sa distrito, Bokal Victor Maambong ug uban pa.

Ang pagpanumpa ni Senirpeda nga gihimo sa buhatan ni Garcia ang gitambungan nila ni Ouano, Maambong ug Bokal Alfred Francis Ouano gitambungan usab ni Lapu-Lapu Bise Mayor Norma Patalingjug, Konsehal Eugene Espedido ug uban pa.

Sa nasayran nga si Senirpeda nga kandidato usab nga konsehal sa oposisyon sa Lakas CMD sa 2004 nga eleksiyon nga napilde apan nagsunod kini sa ikanapulo nga midaog sanglit nahimutang man kini sa ika 11 nga dapit sa gidaghanon sa nakuhang boto.