Pamomba posibleng 'scripted' - Tomas

Wala isalikway ni Mayor Tomas Osmeña ang pangagpas sa kanhi lider sa Metro Cebu Muslim Peace and Order Council Hadji Nashier Ismael nga posibling scripted lang ang planong pagpamomba sa SM City Cebu niadtong miaging semana.

Matud ni Osmeña atol sa press conference kagahapon sa udto nga bukas siya sa bisan unsang mga im

pormasiyon aron magsilbi kining basihanan aron doblehon pa ang pagpangandam nga himoon alang sa nagsingabot nga Asean Summit karung Disyembre.

Una nang gipadayag ni Ismael nga posilbeng binuhatan ang maong suway nga pagpamomba sa mga tawong supak nga anhi ipahigayun sa Sugbo ang maong ASEAN Summit hinungdan nga nimugna kini og mga kagubot.

Apan alang kang Osmeña bugtong niyang nasiguro nga dunay mga tawo o grupo ilabina gyud ang sakop sa mga teroristang kalihukan nga nagplanong mosakay sa maong kalihukan aron makadapit og atensyon.

Labaw nang nabalaka si Osmeña dihang nasayran niini gikan sa kahugpungan sa mga Muslim dinhi sa Sugbo nga usa ka Kristiyano nga nagpa-convert ngadto sa pagka Muslim ang maong duha ka napatay nga suspetsadong terorista nga maoy nagbilin og bomba sa gawas sa SM.

Kini tungod kay mas agresibo kini kun itandi sa mga tinuoray'ng Muslim.

Nasayran nga gipadayag na sa mga kadagkuan sa Office of the Muslim Affairs dinhi sa Sugbo nga wala sila makaila sa duha ka napatay nga suspek nga naila sa pangalan nga Ali Usop ug Datu Neil Ulama.