Ang biktima mao si Noel Quiamco, 22, ug Johnny Alzate, 28, pulos ulitawo ug mga molupyo sa Apro, Ibo, Lapu-Lapu.
Base sa imbestigasyon ni SPO2 Rolito Jumao-as sa Homicide Section sa kapolisan sa Lapu-Lapu, nasayran nga gikan namista si Quiamco ug Alzate sa maong dapit ug sa dihang misakay na sila og traysikad mga alas 8 sa gabii kalit kining gibato sa mga estambay sa maong dapit.
Nakahukom ang duha nga manaog sa traysikad apan kalit kining gihasmagan ug gipangdunggab hinungdan sa pagkahiagom ni Quiamco og samad dinunggaban sa tiyan, samtang si Alzate samad usab sa dughan.
Human sa insidente dali nga misibat ang mga estambay samtang gidala sa Lapu-Lapu District Hospital ang duha ka biktima ug gibalhin sa Vicente Sotto Memorial Medical Center, hinuon luwas na sa kakuyaw nga kahimtang.
Gidudahan ni SPO2 Jumao-as nga paregla lamang ang hitabo.