CICC 24 oras gibantayan

Ang nagpadayong pagtukod sa Cebu International Convention Center (CICC) sa reclamation area sa Tipolo, siyudad sa Mandaue 24 oras usab nga gibantayan sa kapolisan.

Si Sr. Supt. Eduardo Catabas, hepe sa Mandaue City Police Office (MCPO) mimando og patrolya sa adlaw ug gabii.

Si Catabas mipasabot nga tipik niini sa pagpangandam ang 12th Association of Southeast Asian Nation Summit sa Disyembre ang gihimo na karon sa kapolisan.

Nalakip niini mao ang pagsiguro daan nga dili makasulod si bisan kinsang mga tawo sa CICC diin anha himuon ang summit.

Nunot usab niini, Sr. Supt. Samuel Pagdilao nga maoy tigpamaba sa Philippine National Police (PNP) nga gikahinabi sa mga tigbalita miingon nga ang Task Force Lahi nga ginsakopan sa mga intelligence officer sa PNP gikan sa ulohang buhatan gipadala na dinhi sa Sugbo.

Kini aron sa pag-aninaw sa posibleng pundok sa dautang elemento nga mopasiugda og mga kalihukan nga makapaukay sa kahapsay ug kalinaw.

Gipasabot niya nga ang Task Force Lahi gilangkoban kini sa mga piniling opisyal ug mga polis nga gibansay alang sa pagpaniid sa pundok sa mga terorista nga mopasiugda og kagubot