Labing mabulokon ang Mantawi 2006

Labing malinawon ang gipasiugdahang Mantawi Festival nga gipahigayon niadtong miaging Domingo sa dakbayan sa Mandaue nga gitambungan sa mga balikbayan ug langyaw nga mga turista.

Kini ang nasayran sa Banat News kang P01 Arthur Quiros nga gikahinabi sa Banat News sanglit sukad sa pagsugod sa pasundayag sa kadalanan ug gitapos nga walay mga gikatahong panghitabo.

Ang Mantawi Festival 2006 maoy ikaupat ka tuig nga pagpahigayon nga gihimo sa kagamhanan sa duha ka higayon sa Charter Day Anniversary sa Agosto 30 ug gisugdan sa pagbalhin sa miaging 2005 ngadto na sa besperas sa tinuiga nga pangilin ni Senior San Jose sa matag Mayo 7.

Si Mayor Thadeo Ounao sa iyang pagpamulong atol sa maong kalihokan maoy iyang gipasabot nga ilang gihimo ang pagpasiugda sa Mantawi Festival aron sa paglab-as sa kagahapon sa kasaysayan sa maong dakbayan.

Matud pa ni Ouano nga ang paglingi sa kagahapon sa dakbayan maoy nahimong giya sa mga Mandauehanon alang sa kalampusan ilabi na gayod sa kaugmaran sa Cebu International Convention Center (CICC) ug gipaabot nga Asean Summit karong bulan sa Disyembre niining tuiga.

Giklaro niya nga kaugmaran sa CICC ug ang pag-host sa Sugbo sa Asean Summit karong Disyembre maoy mahimong dalan sa kalamboan dili lamang sa dakbayan kon dili sa tibuok lalawigan, Kabisay-an ug Mindanao.

Sa nasayran nga si Gob. Lyndon Barbers sa Surigao del Sur ug Gob. Gwendolyn Garcia sa Sugbo Cebu maoy mga dagkong opisyal nga mitambong sa maong kalihokan.

Si Gob. Garcia nga namulong usab sa maong kalihokan maoy iyang gipasabot nga iyang mahukman ang pagpahiluna sa Cebu International Convention Center (CICC) sa dakbayan sa Mandaue tungod sa dako gayod niyang pagsalig niini.

Ang contingent niini maoy nakadaug sa grand prize ug nadawat niini ang ganting salapi nga P460,000 sa kadaugang naangkon nga best in Street Dancing, Ritual Showdown, Best in musicality, Best inCostume, best in Andas Awards.

Ang sarok festival Consilacion maoy ikaduha sa ritual showdown ug ikatulong ganti kini sa best in street dancing nga ilang nadawat ang ganti nga P200,000 ug ang Tribu Guardo sa Sambag 1 maoy midaug sa ritual showdon ug nadawat usab nila ang P150,000 nga ganti.

Si Mayor Avelino Gungob sa lungsod sa Consolacion mao usab ang mitambong usab sa maong pasundayag sa paghatag og suporta sa contingent niining misalmot usab sa maong tigiay niining tuiga.