Nagdala'g armas nadakpan

Natanggong karon sa karsel sa kapolisan ang usa ka Reagan Genon Basarang, 18 anyos, taga Poblacion Santander human kini madakping naghupot og wala matinong kalibre sa armas mobuto ug mga bala sa kaliber 45 ug 7.62 nga bala sa M14 rifle sa milabay'ng gabii. Si Basarang gidakop human nasakpang naglaroy-laroy diha sa dalan Colon eskina sa Pelaez ning dakbayan nila ni SPO4 Jose Gesto sa Carbon police ug nakamatikod sa kadudahang lihok sa suspek ug nakit-ang dunay nagbagal diha sa iyang lawas, walay napakitang dokumentos paghupot sa maong armas ug bala ang suspek. - Edwin Ian Melecio