Carbon market 'ibalhin sa SRP

Girekomendar sa consultant sa market authority sa dakbayan sa Sugbo Valeriano "Bobit" Avila nga temporaryong ibalhin ang tibuok Carbon Market didto sa South Reclamation Project (SRP).

Kini aron paghatag og higayon sa himuong pag-rehabilitate sa Unit I ug Unit-III Carbon market aron dili mahasol ang publiko sa suliran unya sa trapiko sa maong lugar.

Gitakda nga sugdan na pipila ka adlaw gikan karon ang konstruksiyon sa nahisgutang merkado ilabina gyud ang pagtukod og rampa sa tibuok Carbon area.

Apan si Mayor Tomas Osmeña sa iyang bahin dili pa kumbinsido kon paboran ba ang maong sugyot nga temporaryong pagbalhin sa Carbon market ngadto sa SRP.

Kini tungod kay matud sa mayor gawas nga dako pa og trabahuonon sama sa pagbutang unya og mga drainage, tubig og uban pang panginahanglan nabalaka usab si Osmeña nga langawon og wala kaayuy mga kustomer ang motuyo og adto sa SRP aron adto mangompra.