Overloading sa mga barko gibantayan

Higpit nga gibantayan karon sa Philippine Coast Guard ang tanang barko dinhi sa Sugbo aron kalikayan ang disgrasya gumikan sa overloading .

Matud pa ni Commander Manolito Malig-on nga ang mga barko sa Pier 1, 2, 3 ug 4 higpit nga gibantayan aron dili mokarga og sobra sa gibug-aton sa gitugot niini sa Philippine Maritime Authority.

Duna nay gibutang nga help desk kun assistance center ang PCG-Cebu Station sa mga pantalan aron makatabang usab sa mga pasaherong mamauli nunot niining bakasyon sa Semana Santa ug summer.

Sagad sa mga barko nga manukad dinhi sa Sugbu mao ang mga barkong mobiyahe sa Leyte, Iloilo City, Bohol, Siquijor, Negros Oriental, Manila, ug mga dapit sa Mindanao.

Samtang ang Police Regional Office 7 mipalig-on usab sa seguridad sa mga terminal, pantalan, malls ug mga simbahan samtang duna nay mga K-9 units nga gipamutang sa nagkadaiyang lugar.