Bana mipalit sa away sa asawa maoy nanigbas

Bana nga mipalit sa away sa iyang asawa nanigbas sa iyang silingan sa Tugbungan, Consolacion sa milabay'ng hapon.

Ang biktima mao si Bobit del Pilar, 21, ulitawo, apan dunay live-in partner sa maong dapit.

Ang suspetsado naila usab nga si Tonio Mahinay, 27, minyo ug lumad usab sa Tugbungan, Consolacion.

Base sa imbestigasyon ni SPO1 Ricardo Perez sa Consolacion Police Station, mitug-an nga unang nagkalalis sa wala pa matino nga hinungdan ang asawa ni Mahinay ug live-in partner ni del Pilar. Apan sa dihang mitug-an ang asawa ni Mahinay kini misulong sa panimalay ni del Pilar.

Atol sa pag-abot ni Mahinay sa panimalay ni del Pilar nakit-an kini nga naghigda sa ilang sala ug didto sa walay daghang estorya gipuspusan kini og kahoy ug dili pa igo gitigbas si del Pilar gamit ang usa ka pinote hinungdan sa pagkasamad sa tiil niini.

Hinuon luwas na sa makuyaw'ng kahimtang ang biktima.

Samtang si Mahinay padayon kining gipangita sa kapolisan sa Cordova human kini mosibat atol sa maong krimen.

Matud pa ni PO1 Perez posibleng pasakaan og kasong frustrated murder si Mahinay ngadto sa hukmanan.