Dalagita gihapak og gabas sa papa

Usa ka amahan nga nanagmal sa dalagita niyang anak pinaagi sa paghapak sa gabas gidakop sa mga polis ug gibalhog sa bilanggoan.

Ang panagmal nahitabo alas 11 pasado ang takna sa miaging gabii sa Ihawan, Mantuyong, Mandaue.

Si Arcenio Ranile, 50 anyos, minyo nga nagpuyo sa maong dapit. Ang biktima mao si Cherryl Fuentes Ranile, 16 anyos, dalaga ug nagpuyo sa maong dapit.

Si PO1 Chester Quiros nga gikahinabi sa Banat News miingon nga nasagang sa biktima ang paggabas unta sa amahan niini.

Ang biktima nga nakamatikod sa kasuko sa iyang amahan nakakita sa paghapak sa gabas apan nakahupo kini ug nasagang ang gabas ug ang mga kuyamoy sa kamot niini ang nangasamad.

Sumala pa niya nga nasuko ang amahan sa biktima sa biktima tungod kay milakaw kini nga wala mananghid ug dugay nga nahiuli.

Matud pa ni Quiros nga sila si SPO1 Pedro Sucion ug P02 Rossendo Cabrera maoy nakadakop sa suspetsado kinsa mao usab ang nakatubag sa maong alarma.