Nawong natapsingan kay gipusil pugakhang

Usa ka tawo nga gipusil sa pugakhang natapsingan sa nawong ug dali kining gihatod sa tambalanan.

Nahitabo ang pagpamusil sa Sabang, Olango, Lapu-Lapu.

Ang biktima mao si Jacinto Mata, 20 anyos, ulitawo nga nagpuyo sa maong dapit.

Ang nagpusil mao si Camilo Alibong, hingkod ang panuigon, minyo ug silingan sa biktima.

Sa nasayran sa Banat News kang SP02 Danny Tampus nga gikan ang biktima nga nakig-inom kuyog sa mga higala.

Dihang sa pagpamauli niini ang biktima kalit mipunit og bato ug gihapak ang bongbong sa gipuy-ang panimalay sa suspetsado.

Matud pa ni SP02 Tampus nga ang suspetsado nga nakalitan sa maong pagpuspos og bato sa bongbong sa iyang panimalay masuk-anon nga migawas nga nagdala na og pugakhang.

Ang biktima nga nakamatikod nga nasuko ang suspetsado ang mihana unta sa pagduol apan gipusil niini ang ulo sa pugakhang.

Dali nga gidala ang biktima sa tambalanan ug ang suspetsado ang mitahan usab ngadto kang Nilo Torreon nga maoy hepe sa barangay tanod sa nahisgotang isla.

Si Torreon maoy mitahan sa suspetsado sa kapolisan sa maong dakbayan ug gibalhog na kini sa bilanggoan.