Nalisuan sa utok asawa giluba

Anaa sa grabeng kahimtang ang usa ka asawa human kini mabiktima sa pagpanungab sa nalisoan sa pangisip niining bana.

Nahitabo kini alas 5 pasado ang takna sa hapon niadtong miaging adlaw sa barangay Pajac, siyudad sa Lapu-Lapu.

Ang biktima mao si Meren Ompad, 32 anyos, minyo, kinsa giluba sa banang si Reynaldo.

Dali nga gidala ang biktima sa Opon District Hospital ug gibalhin sa Vicente Sotto Memorial Medical Center sa dakbayan sa Sugbo.

Ang suspetsado nadakpan nila ni Senior Inspector Andres Intong nga mitubag sa alarma ug gitanggong karon sa bilanggoan.

Sa imbestigasyon nga gihimo nila ni SPO2 Rolito Jumao-as sa homicide section nga ang suspetsado gikan na sa mental hospital sa miaging mga bulan.

Gituohang misugmat ang pagkayabag niini sa utok ug mikuha kinig kutsilyo ug gihansak sa biktima.