Ang motorsiklo nga Ramski RMX 125 nga gimaneho ni Jay Abaqueta Creus, 24, nga nagdala sa plaka II-9206 uban sa iyang manghod nga backrider naila nga si Jurrie 22, ang duha pulos ulitawo nanimuyo sa Sitio Ilang-ilang, Lagtang, Talisay.
Base sa gihimong imbestigasyon sa Traffic Division sa Talisay ni SPO4 Nemesio Boyunas nasayran sa Banat News nga gikan sa dakbayan sa Sugbo ug paingon na mopauli sa ilang pinuy-anan sa San Roque magsuon apan paghidangat sa naasoy'ng lugar kalit lang mi-overtake si Jay sa laing sakyanan nga ilang gisundan.
Si Jay wala na makakontrol sa gimanehong motorsiklo niini gumikan sa kakusog sa iyang pagpadagan, maoy hinungdan nga misariling sa tunga-tungang bahin sa karsada ug dunay solid nga semento nga may poste sa Visayan Electric Company.
Ang duha ka mga biktima nangalagpot sa motorsiklo ug human mangalabay, si Jay ug Jurries nakahiagom og daghang samad, pangus ug bun-og sa tibuok kalawasan lakip na ang ulo sa duha.
Gisuwayan unta pagdala sa mga lumolupyo sa maong dapit sa Talisay District Hospital apan nakabsan gayud sa ilang kinabuhi human mideklarar ang mga doktor nga dead on arrival (DOA).