Sikad drayber gipusil sa mata

Usa ka traysikad drayber ang naigo sa mata ug miungot ang bala niini ngadto sa apapangig niini.

Nahitabo ang pagpamusil alas 7 pasado ang takna sa miaging gabii sa Bankal, Lapu-Lapu.

Ang biktima mao si Harold Truyo, 4 anyos, minyo nga taga sitio Bayanihan sa nahisgotang barangay.

Ang nagpusil sa biktima mao si Benson Torreon, hingkod ang panuigon, taga SACS Buaya sa mao gihapong dakbayan.

Si PO3 William Humoc sa Homicide Section sa kapolisan sa maong siyudad nga gikahinabi sa Banat News higala sa suspetsado maoy gikalalis sa biktima sa nangaging mga adlaw.

Matud pa ni PO3 Humoc nga nagmaneho ang biktima sa iyang traysikad ug paghunong niini kalit lamang nga namusil.

Human sa maong pagpamusil, ang suspetsado dali usab nga misibat pahilayo sa maong dapit.

Sumala pa ni PO3 Humoc nga gidala ang biktima sa Mactan Doctors Hospital sa Basak sa maong siyudad ug padayon kining giatiman sa mga doktor.