Nagpailang Army, namago

Usa ka sakop sa Philippine Army gidakop sa mga barangay tanod sa Ibabao Estancia, siyudad sa Mandaue kinsa gireklamo namago sa buwangan.

Ang gidakop mao si Sgt. Francisco Antipuesto, 39 anyos, minyo nga taga Nasipit, Talamban sa dakbayan sa Sugbo human gireklamo sa usa ka Claudio Yotere, hingkod ang panuigon nga taga dakbayan sa Mandaue.

Si PO2 Estephane Amamag-id sa kapolisan sa Presinto 1 sa maong siyudad miingon misulod ang maong sundalo sa nahisgotang buwangan ug namusta apan napilde kini.

Gipaninglan sa gikapustaanay niini apan nagdumili sa pagtahan sa iyang pildi si Antipuesto hinungdan nga gipadakop ug gipapriso kini.