Tungod sa kamote, 65 anyos gipatay

Patay ang usa ka 65-anyos nga lalaki human kini pusila sa iyang silingan niadtong Biyernes sa hapon diha sa Sityo Maay-ay Barangay Ubaub lungsod sa Argao.

Si Juan dela Peña residente sa nahisgutang lugar nakaangkon ug duha ka samad pinusilan sa iyang buko buko og gituhoan nga maoy hinungdan sa kamatayon niini.

Si Wilkie Aballe hingkod ang panuigon maoy gitumbok sa pagpamusil daling miikyas human sa hitabo ug padayon pa nga gipangita sa mga awtoridad.

Matud ni PO3 Arnold Abenir polis sa Argao kagahapon sa Banat News nga tungod sa umahan ang hinungdan sa maong insidente, kasikbit o tupad ang umahan ni dela Peña ug Aballe.

Naapil og daro ni Dela Peña ang kamotehan ni Aballe og maoy hinungdan nga nasuko kini.

Si Abenir nagkanayon nga kalit nga gipusil ni Aballe si dela Peña dihang nagtalikod kini nga nagtan-aw og hantak.

Maayong pagkayaub ni dela Peña diha sa yuta ug giusban pa gyud kini og pusil ni Aballe.

Ang apo ni dela Peña nga si July Mapalo, 17-anyos, ang saksi sa maong hitabo.