Ang pagpamusil nahitabo alas 7 pasado ang takna sa miaging gabii sa may dalan Maximo Patalingjug Avenue, ubos nga bahin sa 1st Mactan Mandaue Bridge sa Pajo, Lapu-Lapu.
Ang biktima mao si Jonathan Lucernas, 28 anyos, ulitawo nga nagpuyo usab sa nahisgotang dapit sa maong siyudad.
Si SPO2 Rolito Jumao-as sa homicide section sa kapolisan sa maong siyudad nga gikahinabi sa Banat News miingon nga kuyog ang biktima sa mga higala niini nga naglakaw sa maong dapit.
Dihang giabot ang sugo sa lawas maoy gihimo niini ang pagpahipi sa daplin sa dalan aron sa pagtuman apan kalit lang mitumaw ang motorsiklo nga giluwanan sa duha ka tawo ug gitabangan sa pagpamusil ang biktima.
Matud pa ni Jumao-as nga naigo sa dughan ug dapidapi ang biktima ug ang mga kauban nga nakamatikod sa pagpabulhot sa giluwanang motorsiklo nga giluwanan sa wala mailhing mga tawo dali usab nga mitabang niini sa pagdala sa tambalanan.
Dugang pa ni SPO2 Jumao-as nga sa kasamtangan ilang gihimo ang imbestigasyon sa pag-ila sa namusil sa biktima ug ang pagsuta usab sa hinungdan niini.