Honasan, laing 17 gikiha's DOJ

Tulo ka adlaw human ideklarar ang estate of emergency ni Presidente Gloria Arroyo duna nay 17 ka tawong gipasakaan og kaso kagahapon ang Department of Justice sa kasong kudeta ug rebelyon.

Usa sa mga gipasakaan og kaso mao si kanhi senador Gregorio Honasan uban sa unom ka mga gihulagway nga walhong magbabalaod sumala pa sa taho sa DzMM.

Ang gipasakaan og kaso mao sila si party-list Liza Maza, Teddy Casiño, Satur Ocampo, Rafael Mariano, Joel Virador ug Crispin Beltran, lakip sa gipasakaan og kaso diha sa charge sheet Jose Maria Sison kinsa maoy chief political consultant sa National Democratic Front (NDF).

Dugang sa gipasakaan og kaso mao sila si Capt. Nathaniel Rabonza, First Lieutenants, Sonny Sarmiento, Lawrence San Juan ug Patricio Bumidang kinsa hangtud karon gipangita pa sa militar human sila mangeskapo sa ilang bilanggoan sa Fort Bonifacio niadtong nakalabay'ng bulan.Si San Juan naaresto niadtong Pebrero 21 uban sa iyang abogado nga si Christopher Belmonte kinsa gilakip sa gipasakaan og kasong rebelyon.

Samtang gipasakaan usab og kaso mao sila si Second Lieutenants Aldrin Baldonado ug Angelbert Gay, kanhi Navy captain Felix Turingan ug retiradong heneral nga si Brig. Gen. Jake Malajacan kinsa pulos mga sakop sa Reform the Armed Forces Movement(RAM).

Matud pa ni State Prosecutor Emmanuel Velasco nga sila si Malajacann ug Turingan gikasuhan gumikan sa giingong pagtabang sa mga nagplano sa coup.