Giluba sa gikainom

Gihatod sa tambalanan ang usa ka tawo kinsa gidunggab sa gikainom niini niadtong Domingo sa hapon sa Mactan, Lapu-Lapu.

Ang biktima mao si Christopher Cuervo, 18 anyos, ulitawo nga nagpuyo sa maong dapit.

Ang nagdunggab mao si Ricky Abubacar, lumad nga taga Marawi City ug kasamtangang nagpuyo sa Bago, Asturias.

Sa nahipos nga kasayuran sa Banat News gikan kang SPO2 Nicanor Bacayo nga nag-inom ang biktima ug ang suspetsado sa usa ka tindahan sa maong dapit.

Ang suspetsado kinsa nagdala og kutsilyo kalit lang mihansak sa tiyan sa biktima nga maoy nakaingon nga dali kining gihatod sa Vicente Sotto Memorial Medical Center sa dakbayan sa Sugbo.

Matud pa ni Bacayo nga ang suspetsado dali usab kaayo nakasibat pahilayo apan padayon karong gipangita sa kapolisan sa Lapu-Lapu.